يوميات رمضان.. 3
وأنا صغيرة كنت أفكر إنه الدعاء شي متل المعجزة.. كنت إذا بدي شي أرفع إيدي وأقول "يااا رب.. يااا رب.. يااا رب".. بعدين أروح عالغرفة التانية وأشوف إذا تحقق ولا لأ..
لما كبرت ما زلت مؤمنة إنه الدعاء شي متل المعجزة.. بس الأحلى من هيك إنه لما بتستنى يتحقق وما بتفقد الأمل.. الله بيبعتلك شي أحلى من اللي كنت بتتمناه.. أو بيفتحلك باب باتجاه عكس الاتجاه اللي كنت مفكره أفضل إلك.. لأنه الأفضل إلك..
لا تبخل على حالك.. ادعي بكل شي بدك ياه.. مهما كان صغير.. ادعي من كل قلبك.. لا تستحي من الطلب من الله.. لأنه الكريم.. وبحبك.. وما بيختارلك إلا اللي في كل الخير إلك..
ادعي.. لأنه الدعاء شي متل المعجزة..
مع محبتي...
رندة...
#يوميات_رمضان
#يوميات_من_القلب
No comments:
Post a Comment