"رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ"...

 "رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ"...

أحياناً بكون الخير فرحة بتصنعها بنفسك بقلب اللي بتحبه... أحياناً بكون الخير ابتسامة بترسمها بإيدك على وجه حدا يمكن ما بتعرفه كبير أو صغير... أحياناً بكون الخير كلمة طيبة بتقولها لحدا يمكن تكون بسيطة بالنسبة إلك بس بالنسبة إلو قيمتها كبيرة وفتحت له أبواب سعادة كتيرة... أحياناً بكون الخير حدا تعبته الحياة الله بيبعتلك ياه عشان تجبر بخاطره بسندك إلو... أحياناً بكون الخير حدا قريب أو غريب الله بيبعتلك ياه عشان تقضيله حاجة أو تساعده أو يفضفضلك أو يبكي على كتفك أو حتى تدعيله بظهر الغيب لأنه هاد دعاء لا يرد...

ما تستهين بأي خير عملته مهما كان بسيط طالما هو بنية صافية من قلبك... الله بعتلك ياه لأنو بحبك وبدو يكتبلك أجر فيه... فقول دائماً عند كل خير الله رزقك ياه "رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ"... وما تستنى الشكر من البشر... معقول تنتظر البشر ورب العالمين بقلك "هَلْ جَزَاءُ الْإِحْسَانِ إِلَّا الْإِحْسَانُ" ؟... هو رح يشكرك شكر يليق بالشكور... وآثار هالشكر واضحة بكل لحظة من لحظات حياتك...

حلوة هالمعادلة؟ :)

مع محبتي...

رندة...