اليوم عيد الحب... وبكرة عيد الحب... وبعد بكرة عيد الحب... واللي بعده واللي بعده... أنا هيك قلبي بقوللي كل يوم عندك عيد للحب... لما أصحى الصبح بقول مين بدك تحبي اليوم؟... وقبل ما أنام بقول مين بدك تسامحي اليوم؟... مو منشان شي بس منشان أنام قلبي نظيف ومرتاح... ومنشان يكون نهاري كله حب... بحب أهلي... بحب رفقاتي... بحب اللي بحبني واللي ما بحبني... ما بإيدي بحب كل الناس... بحب أحكي كلمة حلوة تفرحهم... بحب أهدي هدايا بمناسبة وغير مناسبة... بحب أدعيلهم بظهر الغيب... بحب أمزح معهم أتحركش فيهم... بحب أعاتبهم وأبهدلهم إذا كانوا عم يغلطوا بحق نفسهم... وبحب إذا أنا غلطت أعتذر بهدية... لأنو الرسول صلى الله عليه وسلم قال: "تهادوا تحابوا"... ولأنو كل يوم ممكن يكون عيد للحب... كل يوم بس فكر بكل الناس اللي بتحبهم واحكي مع حدا منهم... تلفون، رسالة، كلمة حلوة، دعاء... اليوم إلكم مني جميعا أحلى دعاء... واللي بده دعاء خاص تكرم عينه بس يخبرني...
وكل يوم وإنتو بخير وحب ونور مكلل برضى الرحمن...
مع محبتي...
رندة...
No comments:
Post a Comment